IBPS RRB Recruitment 2023: बँकिंग कर्मचारी निवड संस्थेने प्रादेशिक ग्रामीण बँक भर्ती 2023 साठी नोंदणीची अंतिम मुदत वाढवली आहे. इच्छुक उमेदवार आता 28 जून 2023 पर्यंत IBPS RRB भरतीसाठी अर्ज करू शकतात. ज्या उमेदवारांनी अद्याप या भरतीसाठी अर्ज केलेला नाही ते IBPS च्या अधिकृत वेबसाइट ibps.in
वर जाऊन ऑनलाइन अर्ज करू शकतात.
IBPS RRB भरतीसाठी नोंदणीची अंतिम तारीख वाढवण्याचा निर्णय घेण्यात आला आहे. मणिपूर राज्यातील परिस्थितीचा बारकाईने आढावा घेतल्यानंतर आणि देशाच्या काही भागांतील नैसर्गिक आपत्तींमुळे हा निर्णय घेण्यात आला आहे. वेबसाइटवर उपलब्ध अधिकृत सूचनेनुसार, अर्जाची लिंक आणि अर्ज फी भरण्याची विंडो 28 जून 2023 पर्यंत सुरू राहील. या भरती मोहिमेअंतर्गत, अधिकारी (स्केल-I, II आणि III) आणि ऑफिस असिस्टंट (बहुउद्देशीय) च्या 8000 हून अधिक पदांची भरती केली जाईल.
अधिकृत अधिसूचना – https://www.ibps.in/wp-content/uploads/Corrigendum-for-extension_21.06.23.pdf
Read more: भारतीय रिझर्व बँकेत नोकरीची मोठी संधी!
फॉर्म भरल्यानंतर, उमेदवाराने पुष्टीकरण पृष्ठ डाउनलोड करावे आणि पुढील आवश्यकतेसाठी हार्ड कॉपी ठेवावी. अनारक्षित श्रेणीतील उमेदवारांसाठी अर्ज फी रु. 850/-, तर आरक्षित श्रेणीतील उमेदवारांसाठी अर्ज शुल्क रु.175/- आहे. इतर कोणत्याही अधिक माहितीकरिता उमेदवार अधिकृत अधिसूचना पाहू शकतात.
